Novas
Galiza necesita soberanía e independencia.
Desde o Movemento pola Base facemos un chamamento a participar na manifestación convocada pola rede Galiza Non Se Vende para este domingo 21 de Marzo. A manifestación sairá ás 12:00 do Paseo Central da Alameda de Compostela. A seguir publicamos un comunicado contra destrución da Terra.
Para defendermos a Terra e o Pobo da devastación, Galiza necesita soberanía e independencia.
Solidariedade con Aminetu Haidar.
A seguir publicamos a carta aberta de Aminetu Haidar á sociedade civil o pasado día 10 de Decembro. Desde o Movemento pola Base queremos manifestar a nosa solidariedade co pobo saaraui e con esta valente activista. Do mesmo xeito animamos a toda a cidadanía a participar nas accións de solidariedade que, ao longo destes días, están programadas ao longo do noso País.
Xornada de debate: Construindo alternativas desde o local.
Este sábado 5 de Decembro realizarase na Gentalha do Pichel (Sta Clara, 21) en Compostela unha xornada de debate organizada polo Movemento pola Base sobre a construción de alternativas desde o local. A xornada iniciarase por volta das 10:30 da mañá e centrarase na exposición de proxectos concretos que desde distintos pontos do planeta construen alternativas ao actual sistema.
O 6 de Decembro, tod@s a Compostela!
Un ano mais a entidade soberanista Causa Galiza convoca a tod@s @s nacionalistas a manifestarse contra a Constitución española o vindeiro día 6 de Decembro. Este ano a manifestación sairá ás 12:00 hrs do Paseo central da Alameda.
Grande éxito da manifestación en defensa do Galego
Desde o Movemento pola Base, como non pode ser doutro xeito, alegrámonos polo grande éxito que tivo a movilización deste domingo en defensa do Galego.Cremos que se trata dun éxito colectivo e, en particular, das bases do nacionalismo e do tecido social que defende con orgullo os sinais de identidade da nosa nación. Unha vez mais amósase que contamos cunha sociedade dinámica e disposta a movilizarse na defensa dos seus intereses e direitos. Que o goberno do PP tome nota e se prepare.
Polo monolingüismo social
O Movemento pola Base acudirá á manifestación en defensa da lingua do 18 de Outubro, convocada pola Plataforma Queremos Galego, integrado no Bloque polo Monolingüismo Social. Este Bloque alternativo é o resultado da unión de forzas en torno a tres principios: un país socialmente monolingüe en Galego, primar a reactivación da acción normalizadora de base en todas as frentes sociais, e a loita por un novo cadro legal superador da desigualdade xurídica existente entre Galego e español.
Solidariedade con GalizaVídeos.
Desde o Movemento pola Base queremos amosar a nosa solidariedade coa reporteira de GalizaVídeos que será xulgada maña por cubrir informativamente a Cadea humana do 24 de Xullo do ano 2008 organizada polo Organismo anti-rrepresivo Ceivar. A surrealista acusación contra esta compañeira basease exclusivamente na palabra de funcionarios policiais que a acusan de proferir berros e ameazas contra a "autoridade" e non se sostén sobre nengunha outra base documental.
A loita continúa!
Outro 12 de Agosto lembramos ao compañeiro Moncho Reboiras. Para os que seguimos na loita, sen claudicar, empeñados na construción dun poder popular que se alicerza desde abaixo, a de hoxe non é unha data mais no calendario "litúrxico" do nacionalismo. Conmemorar esta data supón homenaxear a toda esa xeración que aló no principio dos anos setenta, nunhas condicións moi duras, puxeron outra vez a andar o nacionalismo neste País.
