As oficinas das empresas de traballo temporal de Manpower en Ferrol, A Coruña e Pontevedra; Nortempo en Compostela; Adecco en Ourense; Laborman en Lugo e Ader en Vigo, foron os lugares escollidos pola CIG-Mocidade para levar adiante unha xornada nacional de luita a través da que amosar o rexeitamento que existe entre a xente máis nova á reforma laboral e denunciar a xeralización das actuacións das ETTs e a legalización das axencias de colocación con ánimo de lucro que a nova normativa vén de impulsar.
